產品係咪行貨？
即使係水貨都唔一定無保養，佢地嘅保養條款與本地版本（行貨）可能有不同，詳情可以參考個別產品頁的產品詳情。
點解行貨都可以賣得咁平？
電器幫喺一間網店，無高昂嘅租金壓力下，慳到嘅錢就決定同大家開心share，提供相宜價錢嘅產品畀大家。
點睇產品嘅保養資訊？
你可以喺產品頁「規格及保養」入面嘅「保養範圍」及「保養詳情」了解多啲。
點樣查詢產品功能？
你可以喺產品頁入面嘅「產品介紹」或者「規格及保養」了解多啲。
產品有無現貨發售？
電器幫大部份產品都有現貨發售，你可以加入購物車直接購買，最快第二日就可以送貨。只有小
部份產品需要另行向供應商訂購，呢類產品亦會於產品頁清晰列明為「此產品需要訂購」。
收到貨發現產品有問題？
如果收貨後10日內發現產品品質不合符生產標准，電器幫保證換畀你。如果想提出退貨或退款申請，請你填妥以下
申報表格，客戶服務專員將會盡快為你跟進。
點解收唔到訂單電郵？
訂單摘要電郵一般會喺落完單後1個鐘內收到，你可以先檢查下你電郵嘅垃圾郵件。如果問題持續，而你喺訂單紀錄搵唔到詳情，你可以填妥以下
申報表格，客戶服務專員將會盡快為你跟進。
有無得取消或者更改我落咗單嘅產品？
除非特別情況，訂單一經確認就無得取消或者更改，但你亦可以填妥以下
申報表格，客戶服務專員將會按情況為你跟進。
有無得更改送貨/自取嘅時間？
如果你選擇送貨，你可以喺預定送貨時間前兩日前，填妥以下
申報表格，客戶服務專員將會盡快為你跟進。如果你選擇自取，完成交易後就唔可以進行任何更改。
收到貨發現產品有問題/送漏咗產品/或者其他問題應該點做？
有關產品嘅問題，你可以填妥以下
申報表格，客戶服務專員將會盡快為你跟進。
我唔見咗張單點算？
如果你唔見咗嘅單據，你可以隨時「
訂單紀錄及收據」下載翻相關嘅電子收據。
每次交易嘅金額有無上限？
所有電器幫提供嘅畀錢方法都無金額上限。
有無得分期付款？
唔好意思，電器幫暫時未有分期付款，但我哋密切留意最新嘅市況，推出更多畀錢方式方便大家買嘢！
點解係咁顯示我交易失敗？
交易失敗有機會係信用卡失效，或者系統現正進行緊維護。你可以嘗試重新登入然後再次落單，如果問題持續的話，你可以填妥以下
申報表格，客戶服務專員將會盡快為你跟進。
收唔到信用卡驗證碼點算？
有關信用卡驗證方面嘅問題，請直接向你嘅發卡機構查詢。
扣多咗我錢點算好？
唔好意思，你可以填妥
申報表格，客戶服務專員將會盡快為你跟進退款安排。
點樣為之成功交易？
你喺完成交易後會收到一封電郵，通知你我哋已經收到你嘅訂單，入面亦會列明你所購買嘅產品、付款方法、送貨方式等等，方便你之後查閱。
畀完錢先發覺唔記得用優惠碼點算好？
電器幫優惠碼必需喺畀錢時使用，恕不接受後補。
有咩地方唔送貨？
送貨服務不適用於非固定地址、邊境禁區、馬灣、愉景灣、貨倉、不能經樓梯送貨而需經由露台入屋之地點。以下離島地區亦未有送貨服務：南丫島、坪洲、長洲、梅窩、貝澳、長沙、塘福、水口、石壁、寶蓮寺及大澳，或任何貨車禁止進入的區域。
除咗運費之外會唔會有額外收費？
一般情況下係唔會的，但假如送貨地址無升降機可以直達，電器幫將會根據每層樓層收費取$50。有關額外送貨收費嘅詳情，你可以
撳呢度了解更多。
落咗單之後幾日內可以送到？
一般情況下，落單之後最快可於下一個工作天送貨，你亦可以選擇其他時間，詳情請以結帳頁面可供選擇嘅送貨時間為準。
有乜送貨時段揀？
送貨服務時間為星期一至星期六 （公眾假期除外）。送貨時間分為2段: 12pm-6pm及6pm-9pm，你可以喺結帳頁揀翻岩你嘅時段。
落完單發現畀錯咗地址/電話點算？
你可以喺預定送貨時間兩個工作天前，填妥以下
申報表格，客戶服務專員將會盡快為你跟進。
可唔可以轉送貨時間？
你可以喺預定送貨時間兩個工作天前，填妥以下
申報表格，客戶服務專員將會盡快為你跟進。
訂單可唔可以由送貨轉自取？
完成交易後就唔可以更換為自取。
送貨之前會唔會有人通知我？
我哋嘅送貨團隊喺送貨前1個鐘打畀你提醒你收貨。
可唔可以由其他人幫我收件？
可以，你嘅授權人士可以為你簽收送貨件。
如果無人收貨，可唔可以放喺大廈管理處或者接待處等地方？
可以，請喺送貨團隊提醒你收貨時向佢提出，佢地會喺得到你同意之下按你將貨件放低畀你自取。請留意你必需自行承擔一切風險，電器幫恕不負責因為以上送貨方式而出現的風險，例如貨件遺失等。
突然有事收唔到件，點算好？
你可以喺送貨當日透過
WhatsApp（只提供送貨相關支援）向我哋嘅送貨團隊聯絡，請提供你嘅訂單編號及原定送貨日期等相關資料，我哋嘅送貨團隊會盡快為你跟進。
過左預定送貨都無人送貨上嚟？
唔好意思，我哋為你帶來不便而致歉！你可以填妥以下
申報表格，客戶服務專員將會盡快為你跟進。
點解揀唔到用自提點取貨？
自取服務並唔適用於大呎吋或易碎的產品。另外，自取服務亦不適用於2件或以上產品之訂單 (不包括贈品)。如有任何問題，客戶服務員將會聯絡你更改送貨方式。
落單時點樣揀自提點？
你可以喺結帳頁面中揀翻「自取服務」，然後揀翻你想要嘅自提點。
點解件產品明明可以揀自取，但埋單時又無得揀？
你購物車入面可能有其他唔可以使用自提點服務嘅產品，所以令到整張訂單必需使用送貨服務。
點解無得揀時間？
系統會根據你所揀嘅自提點盡快為你安排取貨。當件貨到達咗自提點，你會收到自提點公司所發出嘅SMS提示你以提貨密碼取貨。
幾時會收到訂單確認電郵？
一般情況下，係落單後3-5日內就可以去到你所揀嘅自提點取貨。
通常落完單幾耐可以自取？
一般情況下，係落單後3-5日內就可以去到你所揀嘅自提點取貨。
點解收唔到自取SMS？
你可以直接聯絡我哋嘅物流拍檔Zeek提供正確資料（電話：2121 2211）。你亦都可以填妥以下
申報表格，客戶服務專員會按情況為你跟進。
落完單發現畀錯電話或其他資料點算？
你可以直接聯絡我哋嘅物流拍檔Zeek提供正確資料（電話：2121 2211）。你亦都可以填妥以下
申報表格，客戶服務專員會按情況為你跟進。
件貨可唔可以轉另一個自提點？
完成交易後就唔可以更換自提點。
自提點係咪24小時通宵都可以拎？
每個自提點嘅營業時間有機會唔同，你可以到參考以下嘅
自提點營業時間。
取貨時間有幾耐？
你可以喺收到SMS後嘅30個鐘內取件。請係限時之內取件，如果唔係就有機會需要支付逾期取貨嘅費用。
取貨時間有幾耐？
可以，你只需要將自取SMS分享畀你授權取件嘅人士，根據SMS內指示就可以完成取貨。
取貨時段內唔得閒取貨點算？
你可以直接聯絡我哋嘅物流拍檔Zeek重新安排自取服務（電話：2121 2211），但你有機會需要支付逾期取貨嘅費用。你亦都可以填妥以下
申報表格，客戶服務專員會按情況為你跟進。
取貨時段內唔得閒取貨點算？
你可以直接聯絡我哋嘅物流拍檔Zeek重新安排自取服務（電話：2121 2211），但你有機會需要支付逾期取貨嘅費用。你亦都可以填妥以下
申報表格，客戶服務專員會按情況為你跟進。
點解我見唔到個追蹤編號？
當訂單被確認及出貨之後，你先會獲得訂單追蹤號碼。
有追蹤編號就代表可以收貨/拎貨?
唔係，追蹤編號可以幫你了解你張訂單依家去到邊。如果你揀送貨的話，你會喺收貨之前1個鐘收到電話提示你收貨；如果你揀自取服務的話，自提點公司所發出嘅短訊提示你取貨。你可以去「
送貨服務」或者「
自取服務」了解更多啲。
明明未收到貨，點解個追蹤編號會無咗？
如果你係原定嘅送貨時間/自取時間內都無取貨，我哋嘅客戶服務專員或者物流拍檔Zeek會為你重新安排，到時你將會獲得一個新嘅追蹤編號，但你有機會需要支付逾期取貨嘅費用。
取貨時段內唔得閒取貨點算？
你可以直接聯絡我哋嘅物流拍檔Zeek重新安排自取服務（電話：2121 2211），但你有機會需要支付逾期取貨嘅費用。你亦都可以填妥以下
申報表格，客戶服務專員會按情況為你跟進。
過左預定送貨都無人送貨上嚟？
唔好意思，我哋為你帶來不便而致歉！你可以填妥以下
申報表格，客戶服務專員將會盡快為你跟進。
10天退款保證係由邊日開始計？
由你收到貨個日開始計10日，如果有產品出現咗乜問題，請喺10日內聯絡我哋。如果10日過咗之後，產品會進入廠方保用期內，你需要自行將產品交回生產商/代理商維修。
係咪所有產品都可以退貨/退款？
如果一經證實產品品質真係不合符生產標準，電器幫保證更換，除咗個別產品（例如APPLE/BEATS/大彊等等品牌），需要自行向供應商更換，不可退換嘅產品會喺產品頁入面列明。
買錯咗左有無得換？
無，除非係產品出現咗問題，否則無得退貨/退款。
點樣退貨，我洗唔洗自己送翻去？
我哋嘅客戶服務專員會派送貨人員上門回收有問題嘅產品，同時將新嘅產品送上。
係咪一定要換翻同一型號嘅產品？
係，必須換翻同一型號嘅產品。如果因為產品售罄而無法更換同一型號，我哋嘅客戶服務專員會為你另行安排。
係咩情況下先會退款？
一般情況下，如果證實產品有問題，我哋會先為你安排換貨，但假如產品經以售罄或已無其他可替代型號，我哋會為你安排退款。
退貨過程需時幾耐？
我哋會喺兩個工作天內聯絡你跟進產品問題，並盡快派送貨團隊上門收走你嘅舊機，同時將新機送上。
退款過程需時要幾耐？
一般需時2-4星期。你亦可以選擇以積分形式退到你戶口，以便你喺電器幫可以更快選購其他心水產品。
